Најобразованите граѓани живеат во овие земји
Објавено во: Свет 31 Август, 2018
Прва на ранг листата на најобразовани земји во светот е Канада.
Овој податок го објави Организацијата за економска соработка и развој (OЕЦД), мерејќи го нивото на образование на возрасни во 36 земји-членки на организацијата.
Повеќе од 56 отсто од возрасните граѓани на Канада имаат завршено некаков вид на образование по средното училиште, односно се стекнале со диплома на двегодишни или четиригодишни студии или стручна специјализација.
Зад нив е Јапонија со 50,5 отсто на возрасни жители со вишо и високо образование, а по неа следат Израел (49,9 отсто), Јужна Кореја (46,86 отсто) и Обединетото Кралство кое со 45,96 проценти се најде на петтото место.
45,7 отсто од возрасните Американци во доба од 25 до 64 години завршилe некој вид на терцијално образование.
Она што е интересно е што САД, наспроти фактот што се' повеќе Американци се запишуваат на колеџ и што земјата секоја година доминира на ранг листите на најдобри универзитети во светот, го заземаа шестото место помеѓу најобразованите држави.
На седмо место се позиционираше Австралија со 43,74 отсто, осма е Финска (43,6 отсто), а на деветтото место се најде соседната Норвешка со 43,02 отсто. Листата на првите 10 најобразовани држави се дополнува со Луксембург со 42,86 отсто на возрасни граѓани кои стекнале образование од трет степен.