НАЈПРВО ОБЈАВИ „НАСКОРО ЌЕ УМРАМ“ - потоа објави видео од „окото“ на бурата, сепак го преживеа ураганот

Добивај вести на Viber

Инфлуенсерката Керолин Каловеј предизвика големо внимание откако на социјалните мрежи изјави дека нема да се евакуира поради ураганот Милтон и дека „наскоро ќе умре“. Неколку часа подоцна таа објави слики од „окото“ на ураганот.

Каловеј живее на Флорида, во зона за евакуација, но одбила да го напушти својот дом.

Неколку часа подоцна таа на социјалната мрежа X, поранешен Твитер објави видео на кое се гледа како изгледа кога си во „окото“ на невремето.

„Токму сега во очи на бурата. Еве видео од претходно и неколку секунди подоцна“, напиша таа на X.

Првото видео покажува како беснее невремето, носи покриви и се пред себе, додека второто ја прикажува штетата предизвикана по ударот на ураганот.

Currently in the eye of the storm. Here’s a video from before and seconds later. pic.twitter.com/6WNiMp1chO

— Caroline Calloway (@carolinecaloway) October 10, 2024

Во друго видео таа вели дека за време на ураганот не останале без струја и дека во тој момент веќе се било готово.

"Водата е целосно мирна, ветрот речиси и не дува, се гледа дека косата не ми се мрда. Пред неколку секунди беше многу бучно, но сега се е целосно мирно", рекла таа.

Очигледно е дека инфлуенсерката не „умре“, како што претходно напиша на социјалните мрежи, што предизвика големо внимание.

„Треба да падне на копно во областа Сарасота-Брадентон. Јас сум во Сарасота, живеам на вода, тоа е зона А, задолжителна евакуација“, рече таа претходно.

I’ve always lived in the eye of the storm (emotionally, but now also physically at this precise moment) pic.twitter.com/b7UE5o9gh6

— Caroline Calloway (@carolinecaloway) October 10, 2024

Да потсетиме, таа објасни зошто не заминува, а причините се што не го положила возачкиот испит, дека е невозможно да се патува со авион бидејќи аеродромот е затворен и дека нејзината претходна евакуација за време на ураганот Иан била трауматична. Таа претходно го напуштила својот дом за да отпатува во куќата на нејзината мајка за време на последниот ураган.

Таа се огласи и на социјалната мрежа Х и рече дека не го напуштала својот дом за време на ураганот.