ВРЕДНОСТА НА ДОЛАРОТ НАГЛО ПАДНА - најголем пораст на еврото во последните 16 години
Објавено во: Финансии 09 Март, 2025 11:09
Вредноста на доларот во однос на кошничката валути драстично падна во однос на еврото минатата недела, при што курсот на еврото во однос на доларот скокна за повеќе од 4 отсто, што е негова најголема неделна добивка во последните 16 години.
Индексот на доларот, кој ја мери вредноста на американскиот долар во однос на шесте главни валути, падна за 3,4 отсто минатата недела на 103,90 поени, што е најниско ниво од ноември.
Курсот на еврото во однос на доларот скокна за 4,4 отсто, на 1,0830 долари.
Американската валута ослабе и во однос на јапонскиот јен, за 1,7 отсто, па нејзиниот курс се лизна на 148,04 јени.
Најголемиот неделен пад на индексот на доларот од ноември 2022 година е резултат на знаците за слабеење на американската економија и несигурноста на инвеститорите околу трговските политики на американскиот претседател Доналд Трамп.
Во вторникот Трамп воведе царини од 25 отсто за увоз од Канада и Мексико и ги зголеми царините за увоз на кинески производи за дополнителни 10 отсто, на вкупно 20 отсто. Канада и Кина веднаш возвратија во натура.
Само еден ден подоцна, Трамп одлучи да ги одложи царините за автомобилите увезени од Канада и Мексико за еден месец, а потоа да ги одложи царините за сите стоки опфатени со одредбите на Северноамериканскиот договор за слободна трговија за еден месец.
Ваквите ненадејни промени ги вознемирија инвеститорите
Од друга страна, поради високата инфлација, американската централна банка би можела да ги задржи каматните стапки на сегашните нивоа подолго од очекуваното.
Иако инвеститорите се надеваат дека ФЕД наскоро ќе продолжи да ги намалува каматните стапки бидејќи повеќето најнови податоци укажуваат на забавување на економскиот раст, претседателот на ФЕД Џером Пауел во петокот рече дека централната банка не треба да брза да ја ублажува монетарната политика и дека ќе чека показатели за тоа како политиките на Трамп влијаат на економијата и инфлацијата.
ЕЦБ ги намалува каматните стапки за уште 0,25 процентни поени
Минатата недела еврото зајакна најмногу во однос на доларот – 4,4 отсто, што е негова најголема неделна добивка од март 2009 година.
Ова е и покрај тоа што Европската централна банка минатата недела ги намали каматните стапки за дополнителни 0,25 процентни поени за да го стимулира растот на економијата на еврозоната.
Намалувањето на каматните стапки обично има негативно влијание врз валутата, но во овој случај еврото зајакна благодарение на веста дека во Германија партиите кои најверојатно ќе формираат нова влада се согласија да ги олабават фискалните правила за да го стимулираат економскиот раст и да ги зголемат инвестициите во одбраната.
Огромните буџетски средства кои германската влада би ги вложила во економијата треба да го забрзаат растот.
Покрај тоа, еврото зајакна бидејќи се смета дека ЕЦБ се приближува кон крајот на циклусот на намалување на каматните стапки, додека американската ФЕД се очекува да продолжи со намалувањето на каматните стапки во наредниот период.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
