Наместо Заев друг политичар оди во Белград за „Отворен Балкан“
Објавено во: Македонија 02 Ноември, 2021
Премиерот Зоран Заев кој по изборите си поднесе оставка, нема да оди во Белград на состанок за иницијативата „Отворен Балкан“, туку таму ќе присуствува вицепремиерот за европски прашања, Никола Димитров.
Регионалната соработка преку иницијативата „Отворен Балкан“ продолжува на работен состанок утре и задутре во Белград, на којшто во име на Владата ќе учествува вицепремиерот за европски прашања, Никола Димитров. Агендата за работниот состанок што се организира во соработка со Атлантскиот совет, опфаќа панел дискусија на тема „Дигиталната трансформација како подадена рака за регионална интеграција“ на која ќе бидат усвоени заклучоци, по што ќе има и прес–конференција.
Ќе има лидерски средби и средби со претставници на компании од Македонија, Албанија и Србија на кои што ќе биде разговарано за олеснување на трговијата.
Целта на иницијативата е да им го олесни животот на граѓаните од трите земји.
Заев по лошиот изборен резултат си поднесе оставка од позицијата премиер и претседател на СДСМ.
Но, дел од сопартијците веќе собираат потписи со цел тој да се откаже од оставката.