НАСТРАДАА БАЛКАНЦИ: Убиени се во нападите во Германија

Добивај вести на Viber

Во двата вооружени инциденти во Германија, жртвите се и Балканци кои престојувале и работеле во земјата. 

Бугарскиот конзул во Франкфурт, Антоанета Бајчева за бугарската национална телевизија БНТ потврди дека еден од загинатите во пукањето во германскиот град Ханау е бугарски државјанин.

Тој  живеел во Германија две години и работел како возач, а од скоро се вработил во наргиле барот каде што се случи убиството.

Портпаролот на Министерството за надворешни работи на БиХ, Небојша Рогоје за Радио Слободна Европа изјави дека меѓу убиените во Ханау е државјанин на Босна и Херцеговина. Тој не даде детали за идентитетот на човекот. 

„Детални информации за идентитетот на убиениот ќе бидат објавени на интернет страницата на Генералниот конзулат на БиХ во Франкфурт“, рече Рогоје.

Меѓу загинатите има и пет турски државјани. 

Во Ханау напаѓач  пукаше во два наргиле барови во градот во западна Германија и уби најмалку девет лица, а неколку луѓе ранил, соопшти полицијата, пренесува агенцијата АП.

Федерално обвинителство нападот го третира како тероризам. 

Германската канцеларка Ангела Меркел вели дека сите докази кои ги имала германската полиција укажувале на тоа дека нападот е извршен поради расна омраза.