НАТО му дозволи на Трамп да ја нападне Сирија и веднаш ги засака членките
Објавено во: Свет 13 Април, 2017
Трамп повторно докажа дека не постои кај него долгорочна политика и идеологија, ниту пак цврсти ставови кои може со леснотија да се менуваат преку ноќ откако посочи дека НАТО не е застарена организација иако во текот на изборната кампања за претседател на САД го тврдеше сосема спротивното.
Тој сепак, не остапува од идејата дека земјите членки на НАТО мора да го плаќаат својот дел за поддршката на безбедноста во Европа.
На прес конференцијата со генералниот секретар на НАТО, Јенс Столтенберг, американскиот претседател им заблагодари на членките на Алијансата за нивната поддршка на неговата одлука да истрела 59 ракети врз сириската военовоздухопловна база, како соодветна мерка за нивниот хемиски напад врз цивили во провинцијата Идлиб.
- Кажав дека е остарена. Веќе не е, рече Трамп за НАТО и додаде дека Алијансата се приспособува за една поширока мисија за борба со радикалните исламисти, на која тој повикуваше.
Трамп изјави дека е ангажиран со своите сојузници во НАТО и дека ќе работи на справувањето со идните предизвици, како што се миграцијата и тероризмот, што американските медиуми веднаш го оценија како менување на ставовите за драстични 180 степени.