НЕ ЈА ДОЧЕКА СЛОБОДАТА: Младиот затвореник користел седативи

Добивај вести на Viber

Последен пат со него зборувале во 15 часот, а ни само ден потоа, ја добиле ужасната вест дека нивниот син починал. Лабинот Мисини имал само 22 години, а од пред десет дена е во кумановскиот затвор. Не го доживеал ослободувањето планирано за три недели. Од семејството на починатиот за телевизија Алсат велат дека се сомневаат дека нивниот син починал од предозираност од седативи. Во телефонскиот разговор се пожалил дека го боли главата, тврдат и дека барал помош, но дека не ја добил. 

Семејството обвинува дека затворските чувари не повикале брза помош, а во затворот немало доктор. Што се случило и како починал младиот затвореник ќе покаже аутопсијата. Од Управата за извршување санкиции за телевизијата рекле дека постапиле како што треба и дека случајот ќе се расчисти.

Мисини е префрлен во овој затвор пред десет дена и требало да излезе за три недели. Од Хелсиншкиот комитет за човекови права велат дека Мисини примал антидепресивна терапија уште од времето кога бил во затворот за малолетници во Охрид каде отслужувал казна од една година. 

И овој случај ги потврдува сериозните сознанија за катастрофалните услови во македонските затвори. Мисини не дочека да биде ослободен.