НЕ МУ ОСТАНАА ДОЛЖНИ: Еден милиони Британци бараат забрана за Трамп да го посетува Островот
Објавено во: Свет 30 Јануари, 2017
Еден милион Британци потпишаа формална петиција која повикува за забрана на новиот американски претседател Доналд Трамп да одржи официјалнa државнa посета на Велика Британија, соопштија британските медиуми.
Според авторите на петицијата слична посета би ја ставила во непријатна ситуација Нејзиното Височество Кралицата.
„Добро познатиот став кон жените и вулгарноста на Доналд Трамп му ја одзема можноста да биде примен од Нејзиното Височество Кралицата или Принцот од Велс. За оваа причина, за време на својот мандат Доналд Трамп не треба да биде поканет во Обединетото Кралство во официјална државна посета“, пишува во документот.
Според британското законодавство предлогот треба да биде разгледан во Собранието, бидејќи има поддршка на над 100 илјади државјани. Досега петицијата собрала над 10 пати повеќе.
„Секоја посета на Трамп во Велика Британија треба да биде одложена, додека не падне срамната забрана за муслимани и бегалци да немаат влез во САД. Инаку Тереза Меј би ја поставила Кралицата во невозможната позиција да прифати човек, кој воведе забрана на британски граѓани на основа на нивната вера“, изјавил лидерот на британските либерални демократи Тим Фаро.
„Правилно ли е да поддржиме некој кој користел ужасен женоомразен јазик за време на предизборната кампања, упатил ужасни напади кон муслиманите и ја пропагирал апсурдната идеја да изгради ѕид меѓу Американците и нивниот најблисок сосед? Мислам дека треба да покажеме дека сме исклучително разочарани од тоа. Би било исклучително погрешно за него да доаѓа тука, додека оваа ситуација е факт. Тој треба да се справи со тоа“, посочил лидерот на лабуристите Џереми Корбин .