Некои пациенти имаат предиспозиции да им се згрутчува крвта: Научници со нови сознанија кои пациенти може да имаат тешка форма на ковид
Објавено во: Свет 03 Декември, 2020
Згрутчувањето на крвта е најчеста причина за смрт од
КОВИД-19. Тим германски и холандски научници откриле кои пациенти им се
предиспонирани, пренесува Дојче веле.
До денес останува нејасно зошто инфекцијата со корона вирусот е лесна или асимптоматска кај некои, додека кај други е опасна по живот. Во тешки случаи на болеста, често се јавува воспалителна реакција - белите дробови се воспалуваат, а понекогаш срцето или бубрезите се засегнати. Многу често тоа доведува до оштетување на малите крвни садови и сериозно згрутчување на крвта, што може да предизвика згрутчување и во белите дробови. Ова е најчеста причина за смрт од корона вирусот.
Истражувачки тим, вклучувајќи германски и холандски научници, пронајдоа клучен индикатор во крвта на пациентите инфицирани со КОВИД-19 што „предупредува“ за веројатно тежок тек на болеста. Во земените примероци од крв, научниците откриле т.н. „незрели клетки“ на тромбоцити, кои играат голема улога во коагулацијата на крвта.
Покрај тоа, истражувачите откриле многу незрели црвени крвни клетки во примероците на крв, кои обично исто така созреваат во коскената срцевина. Во принцип, циркулацијата на кислород во телото зависи од црвените крвни клетки. Поголемиот број на незрели крвни клетки е доказ за недостаток на кислород - ова е познат итен одговор на сериозно заболување на белите дробови.
Наодите на меѓународниот истражувачки тим се објавени во списанието Имунитет.