НЕМА КОЈ ДА БЕРЕ ЈАБОЛКА: Сезонците им „побегнаа“
Објавено во: Балкан 28 Август, 2017
Сезонски работници за берба на јаболка се бараат во источна Хрватска, каде повеќето жители живеат од земјоделство.
Се објавуваат огласи каде се бараат луѓе за берба на овошје и зеленчук.
Многу тешко се наоѓа квалитетна работна сила затоа што работниците заминаа на Јадранот или во странство.
Во Славонија и Барање се бараат работници за берба на јаболка, круши, праски, грозје.
Во овоштарниците работат луѓе на возраст од 50 години, но и мал број млади и невработени лица.
Се нудат по 17.5 куни по час, а ситуацијата со наоѓање на работници е полоша од лани.