Нема надеж за мир: Кина му спрема освета на Трамп
Објавено во: Свет 03 Јули, 2018
Кина денес соопшти дека е спремна за трговска војна со САД.
Царината која ја воведе Вашингтон за производите од Кина стапува во сила во петок, а Пекинг најави контра мерки.
Портпаролот на кинеското министерство за надворешни работи Лу Канг, денес на новинарите им изјави дека Кина спремила пакет неопходни мерки со цел да ги зачува националните интереси.
Меѓу американските компании кои сигурно ќе изгубат милиони доколку ако не се направи некоја промена во однос на санкциите кои ги воведе Доналд Трамп, се и автомобилските компании Форд и Тесла.
Трамп уште во текот на предизборната кампања постојано ја напаѓаше Кина, истакнувајќи дека ќе воведе казнени тарифи за производите од оваа земја. Тој минатата година побара да се испита дали увозот на алиминиум и челик е закана за националната безбедност, а потоа и воведе посебни такси за нивен увоз во земјата.
Кина веќе денес ги предупреди своите граѓани кои престојуваат во САД да бидат претпазливи во однос на трошоците за лечење, како и на високиот степен на криминал, но и заканата од терористички напад.