Невремето „удри“ и во Словенија и Хрватска

Добивај вести на Viber

Силно невреме имаше во повеќе балкански држави. 

Невреме ги зафати во Словенија и Хрватска.

Обилни врнежи и град, вчера ја погодија Словенија, а најпогодени беа областите Шатејрска и Помурска, каде што 12.000 домаќинства останаа без струја. 

Во Птуј ветерот достигна брзина од преку 100 километри на час.

Словенечката агенција СТА јави дека во тој дел од земјата дувал ветер со брзина од 70 километри на час.

Словенечката министерка за земјоделство Александра Пивец денеска вети помош за општините кои претрпеа големи штети.

Пивец изјави дека од невремето се погодени 60 општини.

Во најпогодените краеви околу Птуј се проценува дека на посевите е нанесена штета од 40 до 100 отсто, особено на пченката, хмељот, компирот, овошјето, зеленчукот и анасонот.

Во повеќе делови на земјата кои беа погодени од обилните дождови и од град дојде до одрони на земјиштето и помали поплави, а многу покриви на куќи и автомобили се оштетени.

Во Хрватска, најпогодено е подрачјето на Вуковарско-сремската жупанија каде паѓал град со големина на орев, а некаде и со големина на јајце. Имало и откорнати дрвја, како и урнат покрив на едно основно училиште.

Две жени се полесно повредени од удар на гром, а еден маж паднал од покрив.

За краток временски период паднале 20 литри дожд, а забележан е најсилен удар на ветрот со брзина од 75 километри на час.

Во БиХ во невремето загина маж, а во Србија дете почина од удар на гром.