Николоски остана должен за фотографијата со Кичеец
Објавено во: Македонија 12 Март, 2020
Александар Николоски, потпретседателот на ВМРО-ДПМНЕ и носител на пратеничката листа во Изборната единица 4 за парламентарните избори на 12 април, остана должен кон јавноста за тоа под какви околности се фотографирал со Зоран Милевски - Кичеец, осуден како учесник во аферата „Рекет“.
„Зоран Заев е сериозно уплашен па потрча помош да бара од фабриката за креирање лажни вести. Свесен сум дека следниве месец дена ќе бидам мета на најцрната кампања видена до сега, што би рекол Оливер Спасовски. Дечки од Бихачка, ајде потурдете се, можете подобро за тоа што ве плаќаат.
Зоран Заев ќе те победам на 12ти април! Вице го прикажаа на снимки со обвинети во „Рекет", a богами и тебе. Како беше она - Кој си ја ишка мувата од капата?“, гласеше коментарот на Николоски по објавувањето на фотографијата, префрлувајќи ја вината кај власта.
Фотографијата инаку вчера ја сподели Коста Костадинов, пратеник и портпарол на СДСМ, откако стана јасно дека Ника носители на олоски ќе му биде ривалот на Зоран Заев како двајца носители на кандидатските листи во ИЕ4.
„Ова е Александар Николовски, верен слуга на Никола Груевски и извршителот Мицкоски. Човекот е носител во изборна единица 4, ќе се бори против Зоран Заев. Со такви кадри со таква понуда на чекор назад, враќање на режимското минато, едно е сигурно. Ќе бидете поразени од граѓаните. Граѓаните ќе изберат европска иднина и перспектива која гарантира стабилна економија, правна држава и владеење на правото. На 12ти април победува СДСМ, победуваат граѓаните“, објави Костадинов.