Норвешка ѝ подарува планина на Финска
Објавено во: Свет, Стил 20 Декември, 2015
Во Норвешка почна онлајн петиција со која се бара земјата да ѝ подари планина на Финска за нејзиниот ден на независноста.
Кампањата покрената на социјалните мрежи ја организирал Бјорн Гир Харсон, пензиониран работник во норвешкиот Институт за мапирање, кој вели дека поместувањето на источната граница за само 20 метри би овозможило планинскиот врв Халти да стане дел од Финска.
- Не мора да се откажуваме од кој било дел од Норвешка. Ова одвај би било забележливо. А сигурен сум дека Финците многу би го ценеле нашиот подарок и би биле многу среќни да го добијат Халти - рекол Харсон (75) во изјавата за локалниот медиум.
Досега оваа петиција за менување на границите ја потпишале 4500 луѓе.