16 Јули, 2019
0.0172

Бимилк повторно ги награди своите најдобри фармери кооперанти

Нови рекорди во производството на сурово млеко поставени на традиционалниот „Ден на фармери рекордери на Бимилк“

Објавено во: Мои пари 16 Мај, 2019

Денес во Битола компанијата Бимилк беше домаќин на традиционалниот „Ден на фармери рекордери на Бимилк“, настан што компанијата традиционално го организира во чест на своите фармери кооперанти што во изминатата година забележале рекордни резултати во производството на сурово квалитетно млеко.

На „Денот на фармери рекордери“, Бимилк им додели признанија на најуспешните фармери за нивната професионалност, посветеност во работата и активен придонес во одржувањето успешна соработка со млекарницата. Наградите што беа доделени се во согласност со високите стандарди за квалитет на Бимилк и се доделуваат во повеќе категории: испорака на најголема количество млеко за комерцијални и за семејни фарми, најдобар микробиолошки и хемиски квалитет на млекото, повторно во категоријата комерцијални и семејни фарми, како и специјални признанија за најстариот, најмладиот и најлојалниот фармер на Бимилк.

На настанот присуствуваа голем број фармери, а првите честитки кон нив ги упати г. Ѓорѓи Петрушев, Генерален директор на Млекара АД Битола, кој истакна:

„Блиската соработка и поддршка на млекопроизводителите, која опфаќа вложувања во современа опрема и технологија за преработка на млеко, едукација, поддршка при набавка на сточна храна, механизација и опрема, па сè до иницирање стимулативни мерки за развој на сточарството, отсекогаш била и ќе биде еден од главните стратешки приоритети за нашата компанија. Затоа, денес, овде сме за да им одадеме почит и признание на најдобрите од најдобрите, оние што остваруваат рекорди во производството на сурово млеко на територијата на цела држава и оние што придонесуваат Бимилк веќе 6 и пол децении да испорачува квалитетни производи што ги задоволуваат потребите, но и ги надминуваат очекувањата на повеќе од еден милион потрошувачи во земјата“.

Со цел да се подигнат производството и квалитетот на сурово млеко во државата, Бимилк континуирано и сериозно вложува во растот на основната суровина во млечната индустрија од сопствениот финансиски потенцијал, но и постојано иницира дискусии и покренува иницијативи со своите кооперанти и со надлежните органи за обезбедување начини за понатамошно унапредување на квалитетот на суровото млеко.

„Во оваа насока, би сакал да ја поздравам одлуката на владините институции за прифаќање на нашата иницијатива за проширување на стимулативните мерки за набавка на приплоден добиток за сточарите, која инстантно беше прифатена и резултираше со речиси седумкратно зголемување на фондот за оваа цел. Резултатите од оваа мерка во блиска иднина ќе станат видливи и уверен сум дека од нив ќе има полза целокупната млечна индустрија, но и економијата во целост“, додаде Петрушев.

На настанот свое обраќање имаше и Министерот за земјоделство, шумарство и водостопанство, г. Љупчо Николовски, кој ги афирмираше позитивните практики на Бимилк во насока на развој на севкупното млекопроизводство во земјата.

„Млекопроизводството како сточарска гранка е еден од поважните сегменти во агроиндустријата и затоа е од посебен интерес во креирањето на владините политики. При подготовката на мерките за овој сектор посебно внимание посветуваме на примарното производство, подобрувањето на квалитетот на суровото млеко и, секако, на поттикнувањето на млечната индустрија. Но, во целиот овој процес од особено значење е и генетскиот потенцијал на добитокот. За таа цел, во годинешната Програма за рурален развој значително ја зголемивме финансиската поддршка за мерката за набавка на приплоден добиток и за оваа намена одвојуваме близу 1,5 милиони евра. Оваа мерка е важна за подобрување на генетскиот потенцијал, што во најголема мера ќе влијае и врз квалитетот на финалниот производ. Особено ме радува што во Македонија постојат вакви општествено одговорни компании како Бимилк, кои даваат особен придонес во подигнувањето на јавната свест и во развојот на земјоделскиот сектор“, истакна Љупчо Николовски, Министер за земјоделство, шумарство и водостопанство.

Со успешната соработка со повеќе од 1.000 фармери од цела Македонија, дневната преработка на над 140.000 литри млеко или годишниот откуп од околу 40 милиони литри млеко, Млекара АД Битола е неприкосновен лидер на млечниот пазар, а токму постигнувањата и грижата кон своите кооперанти, во голема мера, придонесуваат да се одржи постигнатиот стандард, како и бренд со врвен квалитет.

Можеби ќе ве интересира

Утре реконструкција на мрежа

Утре реконструкција на мрежа

Стартап Македонија ја лансираше првата дигитална платформа на која сите стартапи ќе се видливи

Стартап Македонија ја лансираше првата дигитална платформа на која сите стартапи ќе се видливи

Huawei го претстави извештајот за одржлив развој за 2018 година со фокус на дигиталната инклузија

Huawei го претстави извештајот за одржлив развој за 2018 година со фокус на дигиталната инклузија

Дополнителни 800 милиони евра за мали и средни претпријатија – ЕИФ и ПроКредит Банка ја дуплираат поддршката за иновативните компании

Дополнителни 800 милиони евра за мали и средни претпријатија – ЕИФ и ПроКредит Банка ја дуплираат поддршката за иновативните компании

Сава пензија плус одбележува 10 години доброволно пензиско осигурување во Македонија

Сава пензија плус одбележува 10 години доброволно пензиско осигурување во Македонија

ЕКО СКУТЕР – НОВ ИНСТАНТ ЛОЗ НА ДРЖАВНА ЛОТАРИЈА

ЕКО СКУТЕР – НОВ ИНСТАНТ ЛОЗ НА ДРЖАВНА ЛОТАРИЈА

ЕВН ја поддржа кампањата за заштита од пожари

ЕВН ја поддржа кампањата за заштита од пожари

Летна кампања на РСБСП: „ Оваа лето, безбедноста на прво место! “

Летна кампања на РСБСП: „ Оваа лето, безбедноста на прво место! “

Новата ŠKODA SCALA доби 5 ѕвезди за безбедност од Euro NCAP

Новата ŠKODA SCALA доби 5 ѕвезди за безбедност од Euro NCAP