Новиот заменик-директор на Агенцијата за иселеништво од ДУИ барал од вработените „да се тргнат националните и верски симболи“
Објавено во: Македонија 05 Ноември, 2020
Измит Нура, кого изминатиот период Владата го назначи за заменик-директот на Агенцијата за иселеништво, побарал од вработените да бидат тргнати сите национални и верски артефакти“.
Нура беше в.д оретходно беше примвремено в.д. директор на Агенцијата за млади и спорт, односно заменик-директор на оваа институција.
- По барање на заменик директорот на Агенцијата за иселеништво г-дин Измит Нура, ве замолувам да ги тргнете од канцелариите сите национални и верски артефакти. Ви благодарам за соработката, гласел мејлот кој го добиле вработените а потоа ја споделиле содржината на социјалните мрежи.
Директорот Никола Шалваринов за МКД.мк вели дека пораката на заменик директорот Нура до вработените е молба, а не е наредба.
- Значи, не мора да се спроведе. За да биде издадена наредба треба јас да потпишам. Мејлот што го испрати Нура е на македонски јазик, а за оние вработени кои се Албанци тој преку портпаролката пратил на македонски и на албански јазик. Можам да оценам дека Нура го промашил начинот на комуникација, испратил куса и општа молба, која не дефинира поблиску на што точно мисли и на какви точно симболи мисли. А што мислел, самиот најдобро би кажал, рекол Шалваринов.
Шалваринов од вработените бара единство, односно да не се делат по национални, верски или какви било основи.