Новогодишно од Боко Харам: киднапирајте, колете, разнесувајте!
Објавено во: Свет 31 Декември, 2016
Лидерот на исламистичката терористичка група „Боко Харам", која дејствува во северните делови на Нигерија и соседните земји, ги повика денеска своите борци да убиваат, колат, киднапираат и да активираат бомби насекаде", пренесоа американските медиуми.
Заканата е упатена во видео клип, распространет на социјалната мрежа Youtube на интернет. Во него Абубакар Шекау ги негира тврдењата на нигериската влада дека групата е разбиена.
Претседателот Мухамаду Бухари минатата недела објави дека армијата ја разбила „Боко Харам“ и дека борците на групата се разбегале и се кријат. Шекау сепак вели во видеото дека е жив и здрав.
АП потсетува дека властите досега барем три пати се изјасниле дека го убиле Шекау, но тој повторно „воскресна" во видео на интернет.