Нуклеарното оружје на САД во „Инџирлик“ може да падне во рацете на терористите
Објавено во: Свет 15 Август, 2016
Американско нуклеарно оружје, кое се чува во турската воздухопловна база во „Инџирлик“ , на 110 километри од границата со Сирија, може да падне во рацете на терористите и „други непријателски сили“, се вели во извештај на невладиниот центар Смитсонијан.
„Постојаното присуство на десетици единици нуклеарно оружје на САД во авиобазата „Инџирлик“ во Турција претставуваат сериозен ризик“, се истакнува во извештајот „B61 Life Extension Program: Costs and Policy Considerations“.
Во документот се констатира следново: „Можат ли САД да ја задржат контролата врз околу 50 единици нуклеарно оружје (водородни бомби В61), стационирани во базата „Инџирлик“, во услови на подолг граѓански конфликт во Турција, е прашање на кое не може да се одговори“.
Во чистка по обидот за државен удар во Турција во средината на јули беше уапсен и турскиот командант на базата во „Инџирлик“. Базата овозможува брз пристап на дронови и воени авиони до цели поврзани со терористичката организација „Исламска држава“. Во март, сепак, од безбедносни причини, Пентагон им нареди на семејствата на американските војници и на цивилниот персонал, кој се наоѓа во јужна Турција, да ја напуштат.
Според еден од авторите на извештајот Леиси Хили, од гледна точка на безбедноста, да продолжува складирањето на околу 50 единици американско нуклеарно оружје во авиобазата „Инџирлик“ во Турција е еднакво на „игра на коцкање“. „Ова оружје не поседува практична вредност на европското бојно поле и денес е поврзано повеќе со обврските, а не со средствата на нашите сојузници во НАТО“, смета Хили.
Во извештајот се истакнува дека е соодветно повлекувањето на сите водородни бомби В61 од Европа и укинувањето на идно купување и чување на европска територија. 180 единици такво оружје се чуваат во Белгија, Италија, Германија, Холандија и Турција. Овој чекор, смета авторот на извештајот, ќе однесат 6 милијарди долари.
Претходно во списанието „New Yorker“ излезе статија во која се тврдеше дека обидот за државен удар во Турција ја става под сомнение безбедноста на една четвртина од целото нуклеарно оружје на НАТО, складирано во турската база „Инџирлик“.
Според информација на списанието, во средината на 60-тите години на минатиот век над 7 000 единици нуклеарно оружје на САД биле распоредени во Западна Европа, Грција и Турција. Но за услугата, транспортот и складирањето на оружјето се грижел персонал од други земји, поради стравување дека тоа може да биде украдено или користено од сојузниците на НАТО.
Подоцна била донесена одлука во внатрешноста на бомбата да има шифра - прекинувачи кои требало да блокираат активирање, ако се воведе погрешен код.
Заобиколувањето на заштитниот механизам е можно при технички вештини, пишува New Yorker. Ако имате неколку часа, инструменти и подготовка, може да го отворите складиштето, да стигнете до нуклеарното оружје и да се справите со заштитниот механизам. Останатото може да е прашање на секунди.
„Иако досега да избегнеме катастрофа, располагаме со доволно докази дека безбедноста на американските нуклеарни оружја, складирани во Турција, може да се променат за неколку часа“, предупредува екс директорот за одбранбената политика и контрола за оружје во Советот за национална безбедност на Белата куќа Стив Андрисон во авторски текст во весникот „Los Angelis Times“ минатата недела.