OAE цели кон третото место меѓу најбогатите земји

Добивај вести на Viber

Премиерот на Обединетите Арапски Емирати ( ОАЕ) објавил план за национален развој , според кој земјата може да стане една од најбогатите во светот. Како дел од презентираната програма, премиерот и потпретседател на ОАЕ , шеикот Мохамед бин Рашид ал Мактум најави дека Владата има за цел да го зголеми БДП-то по глава на жител со 65% во наредните седум години. Според податоците на Светската банка, БДП по глава на жител на ОАЕ бил 42 080 долари во 2012 година. Ако новиот план на земјата се покаже успешен , сумата ќе се зголеми до малку под 70 000 %, што би ја направило земјата третата најбогата во светот на овој индикатор - по Луксембург и Катар . Во моментов, Луксембург може да се пофали со најголем БДП по глава на жител во износ од 91 388 долари , покажуваат податоците на Светската банка . Шеик Мохамед не конкретизира како ќе биде постигната оваа цел , но изјавата дојде како дел од поширока програма за реформи со цел подобрување на образованието, здравството , имотниот сектор и вработување за граѓаните на ОАЕ . Премиерот, исто така, најави дека ќе го зголеми бројот на граѓаните , вработени во приватниот сектор , за десетпати до 2021 година и е подготвен да интервенира на пазарот на трудот , ако е потребно. Во моментов, повеќе од две третини од жителите работат во јавниот сектор. ОАЕ , која падна во должничка криза во 2009 година по падот на имотниот пазар , регистрира значително обновување на пазарот на акции и на имотниот пазар во изминатата година. Според податоците на Меѓународниот монетарен фонд, економијата на ОАЕ ќе порасне за 3.9 % оваа година .   А.А.