ОБВИНИТЕЛСТВОТО СЕ СОМНЕВАЛО ВО ЕВЕНТУАЛНО БЕГСТВО НА МИЈАЛКОВ: Кривичен суд вели - барањето за куќен притвор ни стигна вчера во 15 часот
Објавено во: Македонија 22 Февруари, 2021
Вчера обвинителството во 15 часот до Кривичниот суд го достравило барањето за мерка притвор за екс шефот на тајната полиција, Сашо Мијалков.
Ова судот го објави на својата официјална веб страница.
Од соопштението се гледа дека Обвинителството тогаш веќе имало сомнение за евентуално бегство на Мијалков.
„Основното јавно обвинителство за гонење организиран криминал и корупција, вчера (21.02.2021) во 15:00 часот до Основниот кривичен суд Скопје, достави предлог за определување мерка притвор против С.М. обвинет во предметот со КОК бр. 47/17 од обвинителството означен како Таргет-тврдина, заради постоење на сомнение за евентуално бегство.
Откако е утврдено дека надлежен за постапување по предлогот е Кривичниот совет при Oдделението за организиран криминал и корупција, а имајќи ја предвид итноста на постапката, иако судот Законски имал рок од 24 часа да одлучува со оглед да предлогот е поднесен за време на викенд, советот во корелација со документацијата за соменвањето за бегство приложена од обвинителството со прилог известување доставени од Бирото за јавна безбедност при МВР, веднаш започна со постапување и донесе решени со кое на обвинетиот му определи мерка куќен притвор со 24 часовен надзор како и видео и електронски надзор, а во 18:30 часот решението веќе беше експедирано до МВР како надлежни за понатамошно постапување.
Против ова решение странките имаат право на жалба преку овој суд до Апелациониот суд Скопје во рок од 24 часа.
Во однос на сите медиумски прашања, судот во текот на вчерашниот ден, имајќи ја предвид итноста на постапувањето и почитувајќи ги надлежностите на Јавниот обвинител и МВР, не ги коментираше шпекулациите и непотврдените информации во однос на постапката се со цел на наштети на истата, за што бараме разбирање од новинарите“, велатѕ од Основниот кривичен суд.