Од каде да го купите најдобриот Apple Macbook во Македонија?

Добивај вести на Viber

Со години наназад Apple успева да се наметне во лаптоп конкуренцијата со одличните компјутери кои станаа вистински престиж за корисниците поради квалитетните перформанси, стабилноста, редовните софтверски надградби, сигурноста и заштитата од хакерски напади, како и бројните програми за продуктивност. Затоа ако ви треба „машина“ за беспрекорно извршување на работните задачи и креативните проекти тогаш некој модел на Apple Macbook сигурно ќе ви заврши работа.

Во Македонија речиси сите продавници за електроника имаат по некој модел на Apple Macbook во нивната понуда со цени кои доста високи, но одговараат на македонскиот пазар. Покрај нив тука е и Duna кои се официјален увозник на Apple во Македонија и овластен сервисер. Бидејќи ценовните разлики не се големи треба да се види и самата услуга и целокупната понуда.

Apple Macbook покрај стандардната линија на лаптопи која веќе е ставена во втор план, располага со обновените модели на Macbook Air и Macbook Pro. Од самото име може да заклучите за која намена се овие модели.

Macbook Air со големина од 13 инчи може да се најде во Neptun по цена од 67.499 денари, но ова е еден од ретките модели кој е прикажан на нивната веб страна.

На веб сајтот на Duna ќе најдете многу поширок избор на Macbook Air лаптопите, почнувајќи од моделот со 11 инчен екран, 4 GB RAM и 128 GB меморија за 59.900 денари, а го има и најнапредниот модел со 256 GB меморија.

Во Setec нема Macbook Air модели од новата генерација, туку единствено постарата верзија Apple MacBook со дво-јадрен Intel процесор која чини 103.999 денари, како и Macbook Pro Retina од 99.999 денари.

Во Duna има голем избор и на 13 инчни модели со различни мемориски конфигурации па така може да го одберете лаптопот кој најмногу одговара на вашите потреби, на пример ако премногу користите мултимедија тогаш одете на моделот кој има повеќе вградена меморија.

Новите Macbook Pro модели добија доста позитивни оценки, а се чини најкомпактен и најпрактичен е средниот модел со големина од 13 инчи со Retina дисплеј, дво-јадрен Intel i5 процесор со неверојатни 8 GB RAM и 128 GB меморија. Овој модел ќе ги најдете во Duna за 85.999 денари без пресметан попуст.

Доколку го сакате најдоброто и не би штеделе ниту денар за најмоќната машина, тогаш Duna располага со вистинскиот ѕвер MacBook Pro со огромен 15 инчен Retina дисплеј, супер моќен четири-јадрен Intel i7 процесор, максимални 16 GB RAM, 256 GB меморија, Intel Iris графичка карта меѓудругото. Овој лаптоп чини 128.500 денари.