Од Ковид-19 почина најпознатиот бугарски билкар
Објавено во: Балкан 17 Декември, 2020
КОВИД-19 го усмрти најпознатиотбилкари во Бугарија, д-р Милко Тошков. Исцелителот кој со текот на годините се обиде да помогне на голем број на луѓе со моќта на природата, не успеал да си помогне на себеси.
Според роднините на славниот лекар, штом дознал дека е заразен со опасниот вирус, се изолирал дома и почнал да се третира со своите билки надвор од конвенционалната медицина. Нешто повеќе од една недела подоцна, неговата состојба започнала да се влошува, но и натаму Тошков избрал да им верува на сопствените методи.
На крајот, сепак, тој решил да побара помош и веднаш беше примен во одделот за интензивна нега. Лекарите направија се што е во нивна моќ да го спасат Тошков, но неговото тело не успеа да се справи со болеста.
Тошков имаше илјадници свои следбеници кои го обожаваа за неговиот придонес во проучувањето на билки и нивната правилна комбинација во спротивставувањето на болестите кои одат заедно со современиот човек.
Тој беше доктор со завршен медицински факултет, но со текот на времето на од колиба на Родопите започнал да собира рецепти за напивки од постарите жители на зафрлените населени места.