OJO OТВОРИ ИСТРАГА: Возачот на „Партизанска” управувал без дозвола под дејство на алкохол и на црвено светло

Објавено во: Македонија 30 Јануари, 2025
Основното јавно обвинителство Скопје донесе Наредба за спроведување истражна постапка против едно лице осомничено за – Тешки дела против безбедноста на луѓето и имотот во сообраќајот од член 300 став 2 во врска со член 297 став 1 од Кривичниот законик.
Осомничениот 20-годишник, на 29 јануари, како учесник во сообраќајот на јавните патишта, управувал патничко возило „Пежо 207“ сопственост на неговиот татко по десната сообраќајна лента од бул.„Партизански Одреди“.
„Меѓутоа, не се придржувал кон прописите и со тоа го загрозил јавниот сообраќај. Автомобилот го управувал без возачка дозвола и под дејство на алкохол со 0,82 промили присуство на алкохол во урина, со што го довел во опасност животот на луѓето. Кога дошол пред обележан пешачки премин на крстосницата со ул.„29-ти Ноември“, не ја приспособил брзината на движење на возилото спрема својствата и состојбата на патот и сообраќајот и другите сообраќајни услови за да може навремено да го запре возилото пред секоја пречка. Пред пешачкиот премин регулиран со семафори кои за време на незгодата работеле исправно, продолжил со движење на вклучено црвено светло на семафорот и со предниот лев дел од возилото удрил во телото на пешакот-жртва Фросина Кулакова, која на обележан пешачки премин попречно ја преминувала коловозната лента. Од ударот оштетената се здобила со тешки телесни повреди од кои на лице место починала“, велат од ОЈО.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Загинатата е 22-годишната дизајнерка Фросина Кулакова од Неготино.
Можеби ќе ве интересира
„НЕМААТ НИ СОБА, НИ КУПАТИЛО, НО НЀ ИМААТ НАС: Катерина и Димитар заслужуваа среќно детство

ДОНИРАЈТЕ КРВ, ВО КРИТИЧНА СОСТОЈБА Е 37-ГОДИШНАТА ЖЕНА: Се бори за живот по сообраќајната несреќа во Скопје

ПРЕКУ ТУНЕЛОТ МУРИЗ ОД ДЕБАР ДО ТИРАНА ЗА ЕДЕН ЧАС: Ќе биде пуштен во средината на март

ПРОНАЈДЕНИ МАРИХУАНА И КЕШ КАЈ 37-ГОДИШЕН ТЕТОВЕЦ: Истрага против дилер на марихуана во Тетово

УКИНУВАЊЕ НА ДВОЈАЗИЧНИТЕ ДЕКЛАРАЦИИ: Левица предлага измени во Законот за потрошувачи, бара пратениците да ги поддржат

АПЕЛ ЗА ПОМОШ: Се собираат средства за погребот на Ристе

СНЕГ ВО ИСТОЧНИТЕ ДЕЛОВИ НА МАКЕДОНИЈА: Студот ќе попушта, во Скопје ќе бидат измерени 10 степени

ФАКТОР НА ДЕНОТ: Мицкоски вели дека Македонија е на иста линија со политиките на Трамп

КРИС ПАВЛОВСКИ ЗА ХРИСТИЈАН МИЦКОСКИ: Еден од најдобрите лидери во Европа
