оне.Вип и Близу дел од „Час на планетата земја” 2016
Објавено во: Мои пари 18 Март, 2016
- оне.Вип и Близу се приклучуваат кон најголемата светска волонтерска акција “Час на планетата земја”, која годинава ќе се одбележи утре, 19 март 2016 година, во периодот од 20.30 до 21.30 часот.
Во знак на поддршка на “Час на планетата земја”, оне.Вип и Близу ќе ги исклучат светлата во своите работни простории во дирекцијата во Скопје, како и светлечките реклами во повеќе од 50 продажни салони ширум земјата.Кон акцијата ќе се приклучат и вработените од оне.Вип и Близу како и компаниите кои се дел од Телеком Австрија Групацијата.
Часот на планетата Земја е најголемата светска волонтерска акција која годинава, деветти пат по ред, под мотото “Заблескај светлина на климатските промени”ќе испрати порака за заштита на животната средина и климатските промени. Оваа сабота, во периодот од 20.30 часот до 21.30 часот по локално време, светилките ќе ги исклучат милиони индивидуалци, бизниси, организации и влади во над 7.000 градови низ 162 држави ширум светот, меѓу кои е и Македонија.
оне.Вип и Близу ги повикуваат своите корисници да го дадат својот придонес кон акцијата “Час на планетата земја” и со симболично исклучување на светлата да придонесат кон зачувување на животната средина. Исто така, својата еко свесност корисниците можат да ја потврдат и со префрлување на својата хартиена сметка во електронска сметка.
Повеќе информации за акцијата се достапни на www.earthhour.mk
[embed width="700" height="450" ]https://youtu.be/Ik3FiNF10mQ[/embed]