Опозицијата смета дека Владата го „прошверцува“ ребалансот на буџетот
Објавено во: Економија 14 Октомври, 2018
Владата да одговори дали полноќното шверцерско носење на ребаланс на буџетот значи прикривање на матните бизниси и економијата пред банкрот, се огласи опозициската ВМРО-ДПМНЕ. Синоќа на владина седница беше донесен предлог за буџетски ребаланс кој ќе оди како предлог во Собранието, но неизвесно е кога бидејќи се можни предвремени парламентарни избори.
„Владата која лажно се преставува за транспарентна, на шверцерски начин далеку од очите на јавноста на нетранспарентен начин скрои ребаланс на буџет кој преставува покривање на матните бизниси и нерентабилната презадолжена економија. Повеќе ни огромното задолжување не може да ги покрие криминалите на владата.
Владата треба да одговори зошто на шверцерски начин турка ребаланс на буџетот, дали ова значи дека прикриваат траги од незаконско работење, дали поради катастрофалното работење на владата во опасност се доведени редовните исплати на пензии и социјални трансфери? Дали економијата е пред банкрот?“, прашуваат од ВМРО-ДПМНЕ.