Палитов од синдикатот на Фени: Не ни е исплатено осигурувањето за октомври
Објавено во: Економија 12 Декември, 2017
Ѓоре Палитов од синдикатот на Фени во „Отворено“ на ТВ 24 рече дека биле разочарани од случувањата во Фени и побарале средби со повеќе одговорни лица.
„Ни беше кажано дека оваа ситуација е тешка и дека најдобро решение за Фени е стечајот. Исплатена е ноемвриската плата, а не е исплатено осигурувањето за октомври. Сега имаме проблеми. Неколку пати кога ги имавме тие протести рековме нас не ни е важно кој ќе биде газда, нас ни е важно фабриката да работи, да имаме личен доход за нашите фамилии“- рече тој.
Тој се надева дека ќе има решение за проблемот со Фени.
Градоначалникот на Кавадарци, Митко Јанчев рече дека тоа што Фени не работи веќе се чувствува во градот. Јанчев вели дека ако вака се продолжи ова нема да биде добро ниту за државата, ниту за општината. Бара побрзо да се реши оваа стечајна постапка и Фени да проработи. Тоа што некој му ја кроел судбината на Фени рече дека не било хумано.