ПАРАДОКС: Венецуела не може да извезува нафта

Венецуела не може да извезува нафта.

Венецуелската државна нафтена компанија ПДВСА не може да извезува нафта од своето главно пристаниште од почетокот на минатонеделниот прекин во снабдувањето со струја.

Од пристаништето не заминал ниту еден танкер со нафта од 7 март, а прекинот на снабдувањето со струја ја погодил и рафинеријата Пуерто ла Круз во истата држава.

ПДВСА има проблеми и со испораката на нафтата која веќе ги напуштила пристаништата бидејќи главните купувачи сакаат да ја вратат поради американскиот притисок.

Пристаништето има сопствен генератор, но зависи од електричната мрежа за 65 отсто од струјата. Генераторот во моментов не работи и се трудат да го вратат во погон.

Струја во поголемиот дел од државата и понатаму има само на неколку места откако ја снема во четвртокот. Претседателот Николас Мадуро за тоа ја обвини саботажата на главната хидроцентрала во земјата со поддршка од САД.

Властите сѐ уште не објаснија детално зошто се случи прекинот на струјата и кога причината би можела да биде отстранета.

ПДВСА работи на резервен план за враќање на струјата во пристаништето Хозе, соопштил извор за Ројтерс. Државата Анзоатегуи, во која се наоѓа пристаништето, струја има од петокот само повремено.