ПАРТИЈАТА НА ЗАЕВ ПРВ ПАТ ПОКОНКРЕТНА - со ДУИ разговараме за стабилна влада што ќе ги почитува трите договори

Добивај вести на Viber

Социјалдемократите прв пат денеска откриваат малку повече детали од разговорите за нова влада со досегашниот нивни партнер ДУИ. 

СДСМ ги продолжува сериозните разговори за формирање стабилно парламентарно мнозинство и за владина коалиција со полн, четиригодишен, стабилен мандат.

Посветени сме за просперитет и долгорочна стабилност на Северна Македонија. Јасно е дека државата нема друга алтернатива за интеграција, освен членството во НАТО и во Европската Унија, велат од партијата.

„Во разговорите со политичката партија ДУИ целосно сме согласни за почитување на Договорот од Преспа со Грција, Договорот за пријателство, добрососедство и соработка со Бугарија и Охридскиот рамковен договор.

Посветени сме на социјална кохезија, силно и толерантно општество, владеење на правото и согласни сме да се спротивставиме на сите форми на национализам и омраза.

Разговаравме дека евентуалната заедничка владина програма мора да биде во согласност со Уставот, законите и изборните програми на СДСМ и ДУИ“, стои во партиското соопштение од СДСМ, второ по ред денеска.

Неопходни ни се квалитетни, одговорни и отчетни кадри предложени за сите ресори од двете страни, кадри кои се подготвени во целост да ги испорачаат програмските определби и принципите на евентуалниот коалициски договор.

Партиите се согласни на прочистување на правосудството и на проверка на потеклото на пари и капитал кај секој функционер, по пат на систем што заеднички ќе биде договорен.

Разговорите за ново парламентарно мнозинство продолжуваат, потребно е стабилно мнозниство во Собранието кое ќе обезбеди формирање нова одговорна Влада која ќе движи силно напред по европскиот пат.