Пендаровски немал дилеми кому да го даде мандатот ако биде изгласана недоверба на Владата
Објавено во: Македонија 22 Ноември, 2021
Шефот на државата, Стево Пендаровски во вечерашното гостување на телевизија Сител изјави дека немал дилеми кому ќе му го дал мандатот, доколку и била изгласана недоверба на Владата.
Вели дека бил на чисто што ќе прави во однос на мнозинството.
„Прво, се гласа недоверба на Влада, па се бира нова со мнозинство од 61 пратеник. Ако ја урнеа Владата со 61 пратеник, ќе беше легитимно на втората по бројност пратеничка група, ВМРО-ДПМНЕ, да и се даде мандатот. Ако останеше тоа мнозинство и кога требаше да се бира новата влада, доволен ќе беше само телефонски повик од лидерот на опозицијата и тука Уставот не остава простор, мора да се даде мандатот на тие што го имаат мнозинството“, вели Пендаровски.
Сепак, во Собранието не се гласаше за доверба на Владата, бидејќи не се појави пратеникот Кастриот Реџепи.