Пендаровски утре ќе му го додели мандатот на Ковачевски
Објавено во: Македонија 28 Декември, 2021
Претседателот на СДСМ и мандатар, Димитар Ковачевски утре ќе го добие мандатот за состав на Влада.
Претседателот на државата, Стево Пендаровски, утре во 13:00 часот, ќе му го врачи мандатот за состав на новата Влада на Ковачевски.
Синоќа на седница на Централниот одбор на СДСМ е решено новиот претседател на СДСМ, Димитар Ковачевски, да биде мандатар за состав на новата влада. Граѓаните настанот на доделување на мандатот ќе можат да го следат во живо на Фејсбук и Јутјуб.