16 Јули, 2019
0.0191

Пет македонски банки во Топ-100 во регионот

Објавено во: Финансии 21 Јуни, 2019

Комерцијална, Стопанска, НЛБ, Халк и Охридска банка се единствените пет македонски кредитори кои се најдоа во Топ-100 листата во рангирањето на најголемите од регионот за 2018, односно кај пост-социјалистичките земји што биле во транзиција, што значи кај сите без Грција.

Според податоците од Народна банка, Комерцијална банка е прва меѓу македонските, иако во меѓувреме паднала од 25 место во 2017 на 40-то во 2018. Тука не помогнала ниту зголемената актива за 9,09 отсто или вкупно 1,860 милијарди евра и зголемувањето на нето-добивката од 13,3 на 29 милиони евра.

Во првата половина е и Стопанска банка со скокот од 52 на 50-та позиција. со актива од 1,49 милијарди евра и раст од 6,33 отсто. Порасната е и нето-добивката од 33,2 на 44,7 милиони евра, што е и најдобар резултат од сите други банки од земјата.

НЛБ Банка со 1,33 милијарди евра и добивка од 34,5 милиони евра бележи напредок од 60 на 54 место. Најголем скок бележи Халк Банка од 88 на 76 со раст на активата од 11,74 отсто за една година и 766,6 милиони евра. Од 98 на 88 позиција во рангирањето напредок има и Охридска банка со најголем пораст од сите други, односно 12,35 проценти со 643 милиони евра.

На прво место со 15,9 милијарди е Банка Трансилванија од Романија, која на трето место ја симна од врвот Банка Комерцијала, исто така од Романија, со 14,56 милијарди евра. На второ место си остана Загребачка Банка од Хрватска со 15,26 милијарди. 

Од Бугарија најистакната е УниКредит Булбанк со 9,92 милијарди. Од Словенија најдобра е Нова Љубљанска Банка со 8,8 милијарди. Банка Интеса од Србија има 4,84 милијарди, а Банка Комбетаре од Албанија е со 3,46 милијарди. УниКредит Банк д.д Мостар во БИХ е најголема со 3,04, додека Молдова Агроиндбанк од Молдавија има 1,2 милијарди евра. Рајфајзен Банк од Косово поседува 889, а Црногорска Комерцијална Банка од Црна Гора оплодува 692 милиони евра.

Можеби ќе ве интересира

ДУИ бара од Заев да ја стави Бежовска за министер

ДУИ бара од Заев да ја стави Бежовска за министер

Поради Германците во овој српски град скокнаа цените на становите

Поради Германците во овој српски град скокнаа цените на становите

Анѓушев на средба со ММФ: Економијата расте, невработеноста опаѓа

Анѓушев на средба со ММФ: Економијата расте, невработеноста опаѓа

Мали даноци - големи неданочни и парафискални давачки

Мали даноци - големи неданочни и парафискални давачки

Аргир реименуван за директор на НЛБ Банка

Аргир реименуван за директор на НЛБ Банка

ЕУ и за Бугарија ќе одлучува во октомври

ЕУ и за Бугарија ќе одлучува во октомври

За собарките од Филипини нудат 650 евра и бесплатен aвионски билет

За собарките од Филипини нудат 650 евра и бесплатен aвионски билет

Ова е најскапиот град на светот за странци

Ова е најскапиот град на светот за странци

Поради високите плати ова е земја од соништата

Поради високите плати ова е земја од соништата