Петар Петровски на МАСИТ со тема "Апликација на машинско учење во индустриски Internet of Things"
Објавено во: Мои пари 01 Октомври, 2018
„Дигиталната
трансформација на Македонија - предизвик или реалност“ беше темата на овогодинешната
конференција во организација на Стопанската комора за информатичка и
комуникациска технологија - МАСИТ.
Целта беше да се обединат сите учесници во ИКТ областа од земјава и светот и да споделат свои искуства, како и досегашни и идни проекти. Како дел од програмата можевме да проследиме мултидисциплинарни презентации, панели и успешни приказни кои ќе помогнат во процесот на дигитализација.
Со своја презентација на тема "Апликација на машинско учење во индустриски Internet of Things" се претстави Петар Петровски, раководител за развој и напредни технологии во Еликососфт , компанија која постои од 1992 година и чија цел е цел да ги покрие потребите на локалниот пазар за бизнис решенија, а од 2010 развива продукти за IIoT,примарно за градежната индустрија.
Петровски од 2016 година е на позицијата раководител за развој и напредни технологии, тој е докторски кандидат за Data Science на University of Mannheim, а истражувачкиот интерес е во насока на машинско учење, Probabilistic Graphical Modelsи Semantic Web.
Во неговата презентација во рамките на МАСИТ, ја разработи темата, односно појасни зошто фокусот на истата е токму машинското учење во индустриски Internet of Things, односно на која начин машинско учење може да го искористи IoT во индустрија.
Беше посочен пример за предвидливо планирање во градежно инженерство, односно на поедноставен начин да се изведе процесот на планирање во градежното инженерство.
Исто така, обрна внимание и на предизвиците кои се дел од целиот процес како на пример мултидименизионирани податоци кои јавуваат потреба од експерти и/или автоматско селектирање на атрибути, слабиот квалитет на податоци, потребата за специјални алгоритми со небалансирани класи, потребата од посебни назнаки, како и потребата за флексибилност и проширување.
Се на се, Петровски презентираше една тематика која отвори нови видици во ИТ сферата во Македонија.