ПЕТТИ ПОСЛЕДОВАТЕЛЕН РАСТ: Која криптовалува го собори сопствениот рекорд, а не е биткоинот
Објавено во: Финансии 05 Април, 2021
Популарноста на биткоинот, дигитална паричка која сега вреди околу 58.300 долари, е добро позната, но сигурно не е единствената со потенцијал на пазарот на криптовалути.
Далеку од тоа, во моментот, но со се повеќе обожаватели, е втората најпопуларна криптовалута - етереум - која вчера се искачи повеќе од 6 проценти, на нов рекорд од 2.123 долари. Потоа падна малку, и сега е на 2.049 американски долари.
Тоа беше исто така петти последователен раст на овие дигитални пари, што ги создаде канадско-рускиот програмер Виталик Бутерин во 2015 година. Која е причината за скорешниот скок? Одлуката на Виза да ги олесни трансакциите на USD coin, на мрежата на блокчеин Етереум.
Етер, матичната крипто валута за Етереум, оваа година скоро ја зголеми тројно својата цена. Значи, позитивните трендови на пазарот на дигитални пари не се рефлектираат само во биткоинот. Со него веќе е можно да се плати многу работи: од кафе до автомобил „Тесла“, но прашање на време е кога ќе му се придружи етереум.
Гигантот со картички веќе започна пилот програма за плаќање по оваа алтернативна рута. USDC е нова валута, т.н. крипто долар, чија вредност е фиксирана за курсот на доларот. Потегот на Виза следеше по реакциите од други компании како што се Мастеркард, БНИ Мелон и Блек Рок.
Покрај тоа, на етериумот му беше даден „ветер одзади“ од американскиот бизнисмен Марк Кубан, водителот на емисијата „Shark Tank“ на Ци-Ен-Би-Си и сопственикот на професионалниот кошаркарски тим „Dallas Mavericks“, кој во неодамнешната епизода рече дека е оптимист во врска со крипто-валутите.
Тој исто така го спомена и биткоин,от но го акцентираше етериумот, велејќи дека тоа е „најблиску до вистинската валута“.