По Брегзит Британија економски ќе „падне“, но изненадување е кој ќе ја надмине

Добивај вести на Viber

Во иднина Индија ќе биде економски поразвиена од Британија. 

По Брегзит, Велика Британија веќе следната година, по напуштањето на ЕУ, економски ќе „падне“. Таа би можела од петтото да „падне“ на седмото место на листата на најголеми светски економии. 

Ова е во согласност со прогнозите на експертите на консултантската фирма „Прајсвотерхаус Куперс“ (ПвЦ).

Индија би можела да ја поттисне Велика Британија од петтото место. Во тој случај повисоко ќе котира Франција, чија економија ќе биде шеста најмоќна во светот.

Според консултантската куќа, во наредната година француската економија ќе забележи раст од 1,7 проценти, а индиската од 7,6 отсто.

ПвЦ прогнозира дека во текот на 2019 година економскиот раст на Велика Британија би можел да изнесува 1,6 проценти, доколку земјата без поголеми проседици успеа да го надмине шокот од евентуално истапување од ЕУ без договор.

Економистот на ПвЦ, Мајк Џејкман вели дека Велика Британија и Франција изминативе години во неколку наврати си ги менуваа местата на листата на најголеми светски економии, но дека оваа и следната година „тасот на вагата ќе натежне“ кон француската економија.

Британската Влада на денешната седница донесе одлука нејзин „работен приоритет“ да биде засилување на подготовките за можен излез на Велика Британија од Европската Унија без договр, во услови кога мнозинството од пратениците во Парламентот во Лондон се противат на постигнатиот Договор за Брегзит.

Владата информира дека ќе започне да подготвува планови за Брегзит без договор и им препорачува на јавноста и на компаниите да бидат спремни за таква можност.