По големиот број заразени викендов, Комисијата ќе препорача крај на работното време во 22 часот

Добивај вести на Viber

Во моментов членови на Комисијата за заразни болести и министерот за здравство, Венко Филипче имаат состанок во Владата со премиерот Зоран Заев каде разговараат за новите рестриктивни мерки.

Имено, по евалуацијата на епиедмиолошката состојба за време на викендот, кога имаше повеќе повеќе од 1.000 новозаразени, од Комисијата за заразни болести сметаат дека крај на работното време треба за сите економски субјекти треба да биде во 22.00 часот, наместо во 23.00, како што во петокот најави министерот за здравство Венко Филипче.

Уште тогаш, извори на Фактор најавија дека е можно да препорачаат затворање на сите продавници, минимаркети, сендвичарници, пекарници, кафулиња во 22.00 часот.

-Нашиот предлог ќе биде од 23.00 до 05.00 часот ништо да не работи или тоа ќе биде дури и од 22.00 до 05.00 часот, но нема да има ограничување на движењето. Ако сака некој  да си се шета, нека се шета во ноември, декември, но нема ништо да работи. Целта е да го намалиме групирањето во затворените објекти, каде што ризикот е многу поголем за ширење на заразата, изјавија во петокот за Фактор од Комисијата за заразни болести.

Во текот на денот, Министертот за здравство, Венко Филипче ќе има и официјална изјава кога ќе соопшти кои рестриктивни мерки ќе ги применат со цел намалување на трансмисијата на корона вирусот.