По пет децении 11.000 луѓе мора да се евакуираат - каква опасност им се заканува?
Објавено во: Свет 22 Септември, 2017
Над 11.000 луѓе се евакуирани од домовите недалеку од вулканот Маунт Агунг на Бали, кој би можел да еруптира.
Вулканот дава знаци на зголемена активност од минатата недела, поради што индонезиската влада прогласи втор најголем степен на опасност и ги предупреди луѓето што живеат во неговото подножје да се евакуираат. Близу него живеат околу 80.000 луѓе.Бројот на евакуирани ќе се зголемува.
Луѓето се засолнија во владините канцеларии, спортските сали и привремените кампови.
Но, има и такви кои не сакаат да се повлечат.
„Тука сум со сопругата. Мораме да се грижиме за животните и затоа не сакаме да заминеме“- вели Вајан Суард.
Последната ерупција на вулканот со височина од 3030 метри била во 1963 година, и тогаш имало 1500 жртви.
Во Индонезија има околу 130 активни вулкани, односно повеќе од било која друга земја.