По петти пат, оваа недела во Градски Парк се трча за поддршка на заболените од Вилсон
Објавено во: Мои пари 20 Септември, 2019
– Во недела, на 22ри септември, во Градскиот Парк во Скопје, кај Школка, со почеток во 10.00 часот, ќе се одржи хуманитарната штафетна трка Подај рака 2019 за поддршка на заболените од ретката болест Вилсон.
Трката, која се одржува по петти пат, е во организација на Здружението на граѓани за поддршка на лица со оваа ретка болест - Вилсон Македонија, со финансиска помош од компанијата ОКТА и Градот Скопје.
„Со овој настан сакаме да им дадеме поддршка и на сите лица кај кои најчесто, како последица на ненавремена детекција, ретките болести оставиле непоправливи последици, како и да им оддадеме почит на оние кои прерано го изгубиле својот живот борејќи се со болеста“, велат од Вилсон Македонија. Од Здружението Вилсон Македонија велат дека раната детекција е суштинска во третирањето на оваа болест и во обезбедување нормален живот за пациентите.
Во рамките на настанот реномираната група Нокаут ќе одржи мини-концерт, а настанот ќе содржи и детска трка, бидејќи е многу важно најмладите да се запознаат и да даваат поддршка на лица кои се соочуваат со ретки болести, и со тоа да ја развиваат својата хуманост.
Во трката ќе учествуваат и лица заболени од Вилсон и од други ретки болести со што симболично ќе се покаже дека кога дијагностиката и терапијата се навремено аплицирани, со најголемиот број ретки болести, може да се живее нормален живот, рамноправен со сите здрави луѓе.
Трката како и досега ќе биде штафетна и ќе се трчаат четири пати по еден километар. Котизацијата за учество во трката е симболична и изнесува 200 денари. Заинтересираните кои не се во можност да трчаат, а сакаат да дадат поддршка може да изберат индивидуален пакет Маица + Активна поддршка по цена од 200 денари. Повеќе информации и пријавување за годинешнава трка Подај рака се достапни на следниов линк https://www.smartrace.club/
Болеста Вилсон предизвикува нарушување во метаболизмот што доведува до таложење на бакар во црниот дроб, мозокот и очите, процес кој се одвива постепено, со години, пред појавата на првите симптоми.
Можеби ќе ве интересира
Преку „Рамка за помош“, НЛБ Банка ја поддржува грижата за менталното здравје на адолесцентите: М–р Лариса Стојковиќ Трајкоска од Центар за раст и развој на личноста „Синтеза“
Одбројуваме уште 15 дена до Конференцијата за комерцијални недвижности
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
