По предлог на Групацијата при Стопанската комора на Македонија – европски стандарди за заштита на трудниците
Објавено во: Економија 17 Јануари, 2018
Зајакната правна заштита добија трудниците во Македонија, но и жените кои неодамна се породиле, откако од 29 декември минатиот месец започна детално да се усогласува македонскиот Правилник за работа со тој на Европската Унија.
Измената на Правилникот е резултат на Иницијативата за усогласување на овие прописи со европското законодавство, која Групацијата за безбедност и здравје при работа при Стопанската комора на Македонија ја поднесе во септември минатата година.Со овие измени, трудниците, но и жените кои неодамна се породиле, а се во работен однос, од државата добиваат поголема заштита во однос на евентуалното и нехумано нивно работно ангажирање на работната позиција.
Работното место на оваа категорија не смее да биде работа под услови на силен стрес и психички напор што може да биде штетно за плодот, не смее да е тешка физичка работа, а бремената работничка не смее да ракување со товар потежок од 5 килограми.