Полицаец по бркотница и пружање отпор пукал во малолетници во Струмица
Објавено во: Македонија 12 Август, 2017
По бркотница со автомобил и пружање отпор полицаец отворил оган од службениот пиштол со кој ранил две малолетни момчиња од Струмица.
Вчера околу пладне по пријава за обид за кражба во близина на браната Мантово, полицајци од СВР Струмица се обиделе да го запрат возилото „опел фронтера“ со словенечки регистарски таблички управувано од 17-годишно момче.
Во возилото биле четири малолетни момчиња. Неофицијално, малолетникот кој го управувал возилото не ја почитувал наредбата на полицајците да запре и побегнал по локален земјен пат во правец на градската капела во Струмица.
Со две полициски возила, возилото на малолетниците било запрено на излезот од Струмица и во моментот кога еден од полицајците се приближил до возилото бил нападнат од возачот. Полицаецот во самоодбрана испукал куршум од службеното оружје и ги повредил малолетниот 17-годишен возач и уште едно 16-годишно момче. Во Медицинскиот центар Струмица на повредените им биле констатирани повреди од огнено оружје.
На местото на инцидентот излегол јавен обвинител, а во расчистувањето на случајот е вклучена и внатрешната контрола на МВР која ја испитува постапката на полициските службеници.
Можеби ќе ве интересира
МЕЏИТИ: Со Левица не би сакале да бидеме дел од иста влада, таа е антиевропски настроена
ПРЕДИСТРАЖНИ ДЕЈСТВИЈА ЗА ПОРАНЕШЕН ГРАДОНАЧАЛНИК: Тошковски објави што направил
Финансиска полиција: Фирма платила 3,5 милиони евра за стари акумулатори без да ги добие
ЕКС ГРАДОНАЧАЛНИКОТ НА БУТЕЛ НЕ СЕ ОТКАЖУВА: Ниту јас сум отишол од СДСМ ниту СДСМ се сели од Бутел
Гаши: Избор на претседател во Собранието не е услов за коалицирање
Мециновиќ: Подаваме рака до ВМРО - ДПМНЕ заедно да не ги потпишеме уставните измени
Бујар Османи: Мицкоски не одлучува кој ќе биде претставник на Албвнците
ПРЕНЕСУВАЛЕ ПРЕКУ ГРАНИЦА ПРАЗНИ ДОКУМЕНТИ - Македонци осудени во соседна Грција за шверц на лични карти, возачки дозволи
„БОЦЕВСКИ, КОЈ СМЕНИ МИЛИОНИ ПАРТИИ И ДРЖАВНИ ФУНКЦИИ, ЗА МЕНЕ РЕКОЛ ДЕКА НЕ СУМ ПОЛИТИЧАР“: Ванковска за изјавата на Ивица Боцевски
