Полицијата на Бит Пазар спречила продажба на 2.000 парчиња петарди
Објавено во: Македонија 31 Декември, 2021
Полицијата вчера спречила продажба и запленила околу 2.000 парчиња петарди.
„На 30.12.2021, полициски службеници од Единицата за недозволена трговија и Единицата за интервентна полиција при СВР Скопје и плициски службеници од Одделот за криминалистичка полиција при МВР извршиле координирана акција за спречување на продавање и употреба на пиротехнички средства на подрачје на град Скопје. Притоа, на Бит Пазар биле пронајдени и одземени 1.828 парчиња разновидни пиротехнички средства“, се вели во соопштението од Министерството за надворешни работи.
По целосно документирање и расчистување на случајот ќе биде поднесена соодветна пријава.