Полицијата прекина свадба во Добридол и го уапси сопственикот на ресторанот
Објавено во: Македонија 05 Ноември, 2020
Полициски
службеници од полициската станица Гостивар, вчера во 17.40 часот, го лишиле од слобода М.И.(32) од
с.Добридол, гостиварско, сопственик на угостителскиот објект во село Добридол, поради
сомнение дека сторил кривично дело „непостапување според здраствените прописи
за време на епидемија“.
Станува збор за организирање свадба со 120 луѓе, која во текот на вчерашниот ден беше прекината.
„По претходна пријава, полициски службеници и инспектор од Државниот пазарен инспекторат Гостивар извршиле контрола во угостителскиот објект, кој од претходно бил затворен од ДПИ – Гостивар, при што во објектот биле затекнати повеќе лица кои присуствувале на семејна веселба“, се наведува во денешното соопштение од МВР.
По целосно документирање на случајот ќе бидат поднесени соодветни пријави.