ПОРАСНАЛЕ ПЛАТИТЕ - во ноември просекот е 27.588 денари
Објавено во: Македонија 21 Јануари, 2021
Просечната месечна исплатена нето плата по вработен за ноември во 2020 година изнесувала 27.588 денари што е за 7 отсто повеќе во споредба со истиот месец во 2019 година.
Просечната, пак, бруто плата изнесува 41.141 денар и за 7,4 отсто е повисока во однос на ноември во 2019 година.
Намалување на просечната плата во однос на претходниот месец е забележано во секторите Снабдување со електрична енергија, гас, пареа и климатизација за 4,1 отсто, Снабдување со вода, отстранување на отпадни води, управување со отпад и дејности за санација на околината 3,6 и Објекти за сместување и сервисни дејности со храна за 3,4 отсто.