Потрагата на Садет со успешен крај: Ја најде девојката која ја спаси во несреќата кај Ласкарци
Објавено во: Македонија 17 Февруари, 2019
„Никогаш нема да заборавам како ме молеше да ѝ помогнам“ - кажа Садет кој беше еден од жителите на селото каде што на13 февруари се случи најголемата автобуска трагедија во земјава.
Билансот е 15 жртви а благодарение на присебноста и брзата реакција и на мештаните на селото преживеаните успееја да се пренесат поскоро до брзата помош.
На социјалните мрежи министерот Венко Филипче од целата несреќа соопшти една добра вест, ако може така да ја наречеме.
Садет преку медиумите побара помош. Имено, тој сакаше да му се помогне да ја најде патничката која преживеа а на која и помогнал. Таа беше заглавена под автобусот кој се преврте кај село Ласкарци.
Неговата најголема желба била Јасмина да е жива. Тоа е и наша желба, а и желба на сите кои сочувствуваат со оваа голема трагедија. Трагедија која посакуваме никогаш да не се повтори, а која ќе биде мотив за еден соживот.
И покрај се, сите имаме сопствени верувања и сите си имаме некој Бог. Барем додека сме на овој живот, можеме да допринесеме да живееме мирно и сложно.