19 Јуни, 2018
0.3598
    ALK 8296.78    0.56%     BESK 9800    2.83%     GRNT 810.1    -0.91%     KMB 5003.67    2.97%     KSPR 26    0%     MPT 37007.55    -0.04%     MTUR 4500    1.81%     PKB 13901    3.82%     RZLE 35    25%     RZLV 70    5.79%     STB 951.08    0.12%     STBP 900    -2.17%     STIL 159    3.43%     TEL 275    0%     TETE 2290    6.76%     TNB 13563.46    -0.09%     TPLF 1235.96    -3.39%     TTK 949.95    0.07%     UNI 2542.36    1.69%     VITA 8503    0.02%     ZPKO 2858    0.01%

Повеќе нема да има „скриени“ газди во Македонија

Објавено во: Финансии 13 Јуни, 2018

Скриените газди во Македонија повеќе нема да имаат законска можност да впишуваат други управители и да се кријат позади името на друг сопственик на претпријатието кое суштински не е негово. Јавна тајна во Македонија е дека постојат познати личности кои етички сметаат дека не треба нивното име да фигурира како сопственик на профитна организација и потпишуваат договори со личности на кои „поовеќе им личи“ на хартија да бидат газди на субјектот.

Владата го утврди новиот текст на Предлог – законот за изменување на Законот за трговскитe друштва, во кој се предвидува да се изврши бришење на одредбите за тајни друштва од Законот за трговските друштва за да се зголеми транспарентноста во правниот промет и да се намалат можностите за даночно затајување.

На овој начин и со отстранување на оваа форма од правниот промет, Република Македонија ќе ја задржи оцената за размена на информации по барање на даночни цели и истата ќе има позитивно влијание и во однос на скрининг мисијата на работната група при Советот на ЕУ, која ја креира листата на некооперативни јурисдикции за даночни цели.

Тајното друштво е дискретна форма за реализација на деловни потфати, и најчесто го користат лица кои од најразлични финансиски или лични мотиви, сакаат да соработуваат со други претпријатија и истите да ги финансираат, без да се изложуваат во јавноста.

Според одредбите на Законот за трговски друштва, тајното друштво настанува со договор, со кој тајниот содружник вложува паричен или непаричен влог во имотот на друштвото на друго лице, кое е јавен содружник. На таков начин тие стекнуваат право да учествуваат во добивката како и во загубата на друштвото.

Тајното друштво нема правен субјективитет. Тоа значи дека ова друштво не се регистрира во трговскиот регистар, нема седиште, нема фирма и постои само за внатрешна употреба, само во односите меѓу тајниот содружник и јавниот содружник. Како последица на тоа, јавниот содружник е тој кој настапува во односите со трети лица, тој го управува друштвото и тој е исклучителен носител на сите права и обврски од работењето. Третите лица го познаваат само јавниот содружник, и во односите со нив формално учествува само јавното друштво. 

Целите на тајното друштво и целокупните услови на работење, се уредуваат спогодбено меѓу содружниците, и тоа со договор за уредување на односите.

Што се однесува, пак, на односите меѓу тајниот и јавниот содружник, Законот за трговски друштва ги уредува ситуациите кои се однесуваат на влоговите, добивката и загубата, како и правото на увид во книгите и списите. 


Можеби ќе ве интересира

Даночни контроли: Еве колку фирми „настрадаа“ од инспекторите на УЈП

Даночни контроли: Еве колку фирми „настрадаа“ од инспекторите на УЈП

КОЛКУ ПАРИ СЕ ВРТАТ: Во раце на милионерите половина од светското богатство

КОЛКУ ПАРИ СЕ ВРТАТ: Во раце на милионерите половина од светското богатство

Тимот на Фондот за иновации ќе работи со продолжен викенд

Тимот на Фондот за иновации ќе работи со продолжен викенд

Градежништвото падна и на берзата

Градежништвото падна и на берзата

Продажбата на ФЕНИ Индустри донесе огромен квартален раст на Стопанска и Комерцијална банка

Продажбата на ФЕНИ Индустри донесе огромен квартален раст на Стопанска и Комерцијална банка

Оваа земја од регионот плаче за сезонци-шанса за море и работа

Оваа земја од регионот плаче за сезонци-шанса за море и работа

Народна банка помогна да се притворат четворица банкари

Народна банка помогна да се притворат четворица банкари

ПРЕСКАП ДУБРОВНИК: Им наплатиле 60 евра само за поставување на масата

ПРЕСКАП ДУБРОВНИК: Им наплатиле 60 евра само за поставување на масата

РАБОТНА ИМИГРАЦИЈА: Им заминале скоро 14000 работници

РАБОТНА ИМИГРАЦИЈА: Им заминале скоро 14000 работници