ПОЖАРИ НИЗ ЦЕЛА ЗЕМЈА - Изминатото деноноќие активни над 20 пожари, сите се изгасени

Добивај вести на Viber

Во текот на изминатото деноноќие биле активни над 20 пожари во нашата земја. За среќа истите, според информации од Центарот за управување со кризи (ЦУК), истите веќе се изгаснати. 

Како што информира од ЦУК, преку регионалните центри во државата, за последното деноноќие има информации за 22 изгаснати пожари, а според извештаите утрово активни пожари нема. 

Во главниот град биле активни два пожари, еден во општина Карпош покрај ул. „Скупи“ каде што горела сува трева, додека вториот пожар бил кај новиот пат Сарај-Рашче, каде исто така горела сува трева.

Два пожари имало и во Општина Новаци, еден кај село Далбеговци, додека вториот бил кон Рибарци во месноста „Ергела“ каде горело стрниште. 

Екипите на противпожарните тиови се бореле и со пожар кој зафатил борова шума кај село Стење - Галичник, на територијата на општина Ресен. 

Во општина Крушево изгаснат е пожар кај селото Свети Митрани, каде грела трева, отпад, но и капинки. 

Пожар имало и во Прилеп на улицата Три Багреми, потоа во Гостива во населбата „Циглана“, во Дебар - кај село Коњари, потоа општина Брвеница кај село Теново каде изгорела нива со пченка и сува трева.

Пожар имало и во Кичево, кај местото „Бели Воденици“ кај фабриката „Копачка“, потоа во Штип - кај село Мојанци, во Пробиштип во село Ратавица била запалена нива.

Во општина Куманово имало дури шест активни пожари, и тоа кај селата Брзак, Ропалце, Ваксинце, Ропалце - Умин дол, Рамановце, Средорек. 

Еден пожар бил пријавен кон езерото Мантово од раскрсницата на 20 километри , каде горело стрниште.