Пожарникарите на мирниот протест порачаа: Следните чекори ќе бидат многу посериозни
Објавено во: Македонија 28 Октомври, 2020
Пред канцеларијата на скопскиот градоначалник, Петре Шилегов, денеска пожарникарите излегоа на мирен протест на кој што уште еднаш рекоа дека не отстапуваат од нивните барања, односно да им се исплати надоместокот на плата за опасност при работа.
Истовремено потренцираа дека нивните следни чекори ќе бидат обраќање до Владата, бидејќи, како штп посочија, и денеска немаат одговор на писменото барање што го упатија до Шилегов.упатиле до првиот човек на Градот. Најавија дека ќе преземат посериозни чекори, односно дека за остварување на своите права ќе се обратат до Владата.
Командирот во Бригадата за противпожарна заштита, Дејан Исаевски, денеска од протестот порача дека ќе пресемат многу посериозни мерки. -Како што ни соопшти градоначалникот, спорно било да се промени одреден член од Законот за пожарникарството за да си ги добиеме нашите 20 %. Ако е тоа проблемот, нека ни даде писмен одговор и тогаш ќе одиме до повисоките институции и ќе бараме да се смени тој член за нè исплатат како што одлучи судот. Да бидеме јасни, не бараме покачување, како што некои медиуми објавија, ние сакаме пресметката на платата да биде по судските пресуди, а тоа значи ако сега земаме 80 % од платата, би требало да ни ги вратат тие 20 % што ни следуваат, реше Исаевски. |
Инаку, градоначалникот на Скопје, веќе соопшти дека се прават измени во Законот за пожарникарството, со што барањата на пожарникарите ќе добијат правна основа за да може да се реализираат. Сепак, тоа најрано може да се случи во јуни следната година, кога измените ќе стапат во сила. |