ПОЖАРОТ ИЗБУВНАЛ ПРИ ЗАВАРУВАЊЕ НА ДОГРАДБА, едно лице загина во пожарот во трговскиот центар во Москва (Видео)
Објавено во: Свет 09 Декември, 2022
Едно лице загина како последица на пожарот во големиот трговскиот центар Мега Химки, изјавија за РИА Новости од Главната управа на Министерството за вонредни ситуации на Московскиот регион.
- Ја потврдуваме смртта на едно лице - соопштија од прес-службата на Министерството.
Пожарот избувнал во шест часот наутро во продавницата ОБИ во трговскиот центар Мега Химки. Се запали покривот на површина од 150 метри квадратни. На пожарот му беше доделен четвртиот број на сложеност од пет.
Според РИА Новости во службите за итни случаи, главни причини за вонредната состојба се неисправноста на опремата и прекршувањето на правилата за заштита од пожари при работа. Првичната верзија за подметнување пожар не е потврдена.
Гаснењето беше комплицирано поради дизајнерските карактеристики на зградата, што придонесе за создавање воздушни струи и уривање на покривот.
Во 8 часот и 25 минути пожарот бил локализиран на површина од седум илјади квадратни метри.
Како што јави дописникот на РИА Новости, во реонот на запалениот трговски центар се слушнале пригушени истрели. Службите за итни случаи предупредија дека конзервите со боја и аеросоли почнале да експлодираат.
Пожарот на ОБИ не ги зафатил другите делови од трговскиот центар. Сепак денеска 9 декември, трговскиот ќе биде затворен.
Претходно медиумите известија дека пожарот зафатил површина од 18 илјади метри квадратни метри, по што бил локализиран на седум илјади квадратни метри, јави руската агенција ТАСС, дополнувајќи дека е планирано во гаснењето на пожарот да биде вклучена и авијацијата.
The "Mega Khimki" shopping center in #Moscow is on fire. The fire area is about 7000 m². pic.twitter.com/GXxKB3vbxs
Руските медиуми посочуваат дека се слушнале експлозии, за кои се верува дека се од конзерви со боја и лакови, но и плински боци. ТАСС посочува дека по експлозијата почнала да се урива конструкцијата на објектот, по што хипермаркетот е речиси целосно уништен.
Во гаснењето биле вклучени повеќе од 70 луѓе и 20 единици техника.
Главната верзија за причината на пожарот е краток спој. Според итните служби, пожарот настанал при заварување во доградба до зградата. Работниците ја напуштиле зградата не можејќи да го изгаснат пожарот, наведува ТАСС.
It is reported that a manufacturing plant for the production of Nortec tires caught fire. The fire area is about 1000 m². pic.twitter.com/yc4a0tQ57H
— NEXTA (@nexta_tv) December 9, 2022
Обвинителството на Московскиот регион започна истрага за причините за пожарот, а штетата од пожарот може да достигне 20-30 милијарди рубли (1 рубља=0,015 евра).