Познат првиот кандидат за претседател на Македонија од редовите на ВМРО-ДПМНЕ
Објавено во: Македонија 23 Јануари, 2019
Влатко Ѓорчев е првиот кандидат што ќе се пријави на огласот на ВМРО-ДПМНЕ да биде шеф на државата на пролетните претседателски избори.
Пратеникот ја потврди веста попладнево за „Независен весник“, а тоа и се очекуваше откако влијателниот член на ВМРО-ДПМНЕ изминатиот период редовно беше присутен на јавни настани и посетуваше места од внатрешноста на земјата и интенивно ги критикуваше политиките на власта.
За „Независен весник“ одговорил дека верува во своето искуството и знаење што го има и дека ќе успее да ги придобие гласовите на граѓаните.
Јавниот оглас во најголемата опозициска партија е во тек и ќе трае до крајот на месецот, а кандидатот што ќе го номинира ВМРО-ДПМНЕ ќе биде ибран на партиска конвенција на која ќе присуствуваат 550 делегати.