Пратениците на Алтернатива се приклучија кон мнозинството, седнаа со СДСМ и ДУИ
Објавено во: Македонија 10 Декември, 2021
Четворицата пратеници на Алтернативата ги сменија местата во Собранието, преминувајќи на страната каде што седат пратениците на парламентарното мнозинство. Тие сега седат зад пратениците на ДУИ, каде што порано седеа пратениците на Движењето Беса, јавува ТВ21.
Народните избраници од Беса се преселија на страната на опозицијата, односно зад пратениците на ВМРО-ДПМНЕ, каде што се оние на Алијансата за Албанците.
Овие промени на пратеничките места доаѓаат откако Алтернатива веќе и официјално стана дел од Владата, мнозинството кое достигна 64 пратеници.
Со влегувањето во Владата, партијата на Африм Гаши ќе преземе неколку институции, додека меѓу највисоките ресори што ќе ги води се Министерството за здравство и тој за информатичко општество и администрација.