ПРЕГЛЕДАНИ СЕ НАД 40 КАМЕРИ, ИЗВРШЕНИ СЕ РАЗГОВОРИ СО ПОВЕЌЕ ОД 15 ЛИЦА - од МВР велат дека истрагата за убиството на докторот е во напредна фаза
Објавено во: Македонија 26 Март, 2024
Над 40 камери се прегледани, вклучувајќи ги и камерите од „Безбеден град“ и извршени се службени разговори со повеќе од 15 лица во врска со случајот со свирепото убиство на лекарот кој во четвртокот вечерта беше пронајден мртов со убодни рани на паркингот кај поликлиниката Железара.
Од Министерството за внатрешни работи велат дека се врши и дополнителна криминалистичко-техничка обработка на возилото, се обезбедуваат листинзи од телефонските броеви и се врши нивна анализа.
Шесесет и седумгодишниот лекар кој работел како матичен лекар беше пронајден минатата недела во неговото возило со убодни рани по телото. Според пријавата во полиција, телото го пронашле неговите синови откако тој не се вратил од работа.
Матичните лекари вчера од 12 до 16 часот во знак на револт прекинаа со работа барајќи построги казни за напад врз здравствените работници, а Лекарската комора во петокот побара итна разрешница на случајот. Денеска, и министерот за здравство Илир Демири изрази жалење за смртта на докторот и побара од истражните органи да ја спроведа истрагата.
Можеби ќе ве интересира
ФАКТОР НА ДЕНОТ: Бурни реакции откако Силјановска Давкова ја изостави „Северна“, Грција споменува и можност за вето
АРСОВСКА ДО ЏАФЕРИ: Не знам како функционира во Форино, ама во Скопје нема друг да ви го одржува дворот!
ЗАЕВ ЗА ДОГОВОРОТ ОД ПРЕСПА: Непочитувањето носи одговорност, но и сериозни последици
ВО ОПШТИНА ВЕЛЕС: Советникoт од СДСМ, Кирил Гајдов си поднесе оставка
ВЕСЕЛА ЧЕРНЕВА: Teшко дека Северна Македонија ќе почне преговори со ЕУ
ВРСНИЧКО НАСИЛСТВО: Малолетнички нападнале соученичка и ја снимале
ТРАГЕДИЈА: Почина 14-годишно дете од Битола додека си играло на ливада
